Азалак әтиләре бәйрәмнән горурланып кайтып киттеләр

"Сарман: иң яңа хәбәрләр", 22 февраль 2020 - 15:34

900

21 нче февраль көнне, Ватанны саклаучылар көне уңаеннан, Азалак балалар бакчасында әтиләр белән берлектә спорт ярышлары уздырылды.

Балалар әтиләре белән бергә эстафета ярышында катнаштылар, аркан тартыштылар. Соңыннан, бәйрәм белән котлап, әтиләренә үз куллары белән ясаган бәйрәм бүләкләрен тапшырдылар. Әтиләр үзләренә лаеклы алмаш үсүенә куанып, уллары, кызлары белән горурландылар. Бәйрәм бик күңелле үтте.