Авыл ветераннар советлары рәисләре "Шәфкать" үзәгендә район оешмалары җитәкчеләре белән очраштылар

"Шәфкать" халыкка хезмәт күрсәтү үзәгендә авыл ветераннар советлары рәисләре ял итү, дәвалану курслары үтәләр. Аларның ел да шушы вакытта район башлыгы, оешма-предприятие җитәкчеләре белән очрашулары инде матур традициягә әверелде. Өлкәннәр теге яки бу өлкәдә үзләрен кызыксындырган сорауларга җаваплар алалар, тәкъдимнәрен кертәләр.

Алар район пенсия фонды идарәсе начальнигы Асыляр Харисов, мәшгульлек үзәге директоры Гөлнара Хәйбрахманова, социаль яклау бүлеге җитәкчесе Лилия Гыйльметдинова, район "Ак калфак" иҗтимагый оешмасы житәкчесе Зәния Вафина белән очраштылар. Утырыш эшендә "Шәфкать" үзәге директоры Гөлнара Хуҗина да катнашты.