Алоэдан юбилейга бүләк

Алоэ - ныклап тәрбияләмәгәндә дә яхшы үсә торган гөл. Ул Көньяк һәм тропик Африка илләрендә, Мадагаскарда киң таралган. Якын Көнчыгышта аның ботакларын ишек янына элү гадәткә кергән. Бу халыклар алоэ йорт ияләренә озын гомер һәм иминлек алып килә дип саныйлар. Әлеге ышану гөлнең үзлекләре белән бәйле, күрәсең. Алоэ вера, әйтик,...

Алоэ - ныклап тәрбияләмәгәндә дә яхшы үсә торган гөл. Ул Көньяк һәм тропик Африка илләрендә, Мадагаскарда киң таралган. Якын Көнчыгышта аның ботакларын ишек янына элү гадәткә кергән. Бу халыклар алоэ йорт ияләренә озын гомер һәм иминлек алып килә дип саныйлар. Әлеге ышану гөлнең үзлекләре белән бәйле, күрәсең. Алоэ вера, әйтик, туфраксыз һәм сусыз берничә ел яши ала.

Алоэның күпчелек төрләре өй шартларында чәчәк атмый. Гомумән, алоэның чәчәк атуы - бик сирәк күренеш. Ул йөз елга бер генә чәчәк ата дип исәпләнелә. Аның йөзьяшәр исеме дә шуннан алынган.

Табигатьтә алоэның 350 ләп төре билгеле. Ә 15 ләп төре дару буларак кулланыла. Алоэ белән пешкән, җәрәхәтләнгән, киселгән урыннарны, күз авыруларын, туберкулез һәм башкаларны дәвалап була. Ул косметик максатларда да киң файдаланыла.

Сарманлылар арасында да алоэ бик популяр. Ә Дилара Ахунованың гөле февраль башларында хуҗабикәсен чиксез сөендергән - чәчәк аткан.

- Әнием Елизавета Ивановна гөлләр үстерергә бик ярата иде. Алоэ гөленең дә берничә төре бар иде. Әмма чәчәк атканын хәтерләмим. Үзем бу гөлнең ике төрен үстерәм. Беркайчан да чәчәк атканнары юк иде. 17 нче февральдә 75 яшьлек юбилеемны билгеләп үттем. Гомер бәйрәмемә зур бүләк булды бу, - ди Дилара ханым.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша