Авыл җирлекләре ярыштылар

"Сарман: иң яңа хәбәрләр", 5 гыйнвар 2020 - 19:46

2757

Бүген район авыл җирлекләренең ир-ат командалары арасында барган волейбол ярышларының финал уеннары үтте.

Уеннарны район башлыгы Фәрит Хөснуллин да күзәтте һәм җиңгән командаларны бүләкләде. Ярышларның иганәчесе Маис Гайнетдинов белән бергә алар иң яхшы, иң өлкән, иң яшь уенчыларга да бүләкләр тапшырдылар. Нәтиҗәдә Мортамак җыелма командасы абсолют җиңүче исеменә лаек булды. Икенче урынны Әлмәт егетләр командасы яуласа, өченчедә - Александровка спортчылары. Җиңүчеләргә Кубок һәм медальләр, Мактау грамотасы тапшырылды.