175 ветеранга – күчтәнәч пакет

175 ветеранга – күчтәнәч пакет.

 

Җиңү көнен якынайткан ветераннар, тылда көнне төнгә ялгап эшләгән өлкәннәр. Алар Россия, Татарстан хөкүмәтләренең, район хакимиятенең -игътибар үзәгендә. Җиңү көне якынлашкан бу көннәрдә район башлыгы Фәрит Хөснуллин, Башкарма комитет җитәкчесенең социаль мәсьәләләр буенча урынбасары Индира Сәхипова сугыш ветераннарына һәм сугышта катнашучыларның тол калган хатыннарына, өйләренә барып, Татарстан Президентының котлау открыткаларын һәм күчтәнәч пакетларын тапшырдылар.  Һәр ветеранның исем, фамилиясе язылган открыткада мондый юллар бар: “Җиңү көненең илебез тарихында, һәр гаиләнең, һәр кешенең язмышында әһәмияте бик зур. Бу бәйрәм – тынычлык, өмет, якты киләчәккә ышаныч символы. Җиңүчеләр буыны- Ватаныбызның һәм барлык халкыбызның горурлыгы! Батырлык һәм ихтыяр көчегез, рухи ныклык , тиңдәшсез сугышчан һәм  хезмәт батырлыгы, җиребездәге тыныч тормыш өчен Сезгә зур  ихтирамымны һәм чиксез рәхмәтемне җиткерәм. Чын йөрәктән  ныклы сәламәтлек, иминлек һәм күңел күтәренкелеге телим. Якыннарыгызның  җан җылысын тоеп, озын һәм бәхетле гомер итегез. Олы хөрмәт белән, Р.Н.Миннеханов.” Шушындый эчтәлектәге котлау открыткасы һәм күчтәнәч пакетына район буенча барлыгы 175 ветеран лаек булды. Фәрит Мөнәвирович, Индира Рәисовна аларның һәркайсын 9 май көнне район үзәгендә үтәчәк Җиңү парадына чакырдылар, иң изге теләкләрен ирештерделәр. Ветераннар үзләрен шулай зурлаганнары өчен Татарстан Президентына, район башлыгына эчкерсез рәхмәтләрен әйттеләр, ил-көнгә иминлек теләделәр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте