16 нчы йортка почта тартмасы куелды

Узган елның декабрендә редакциягә Ленин урамының 16 нчы йортында яшәүчеләрдән борчылулы мөрәҗәгать алган идек.

 

 Биредә бер генә фатирның да аерым почта тартмасы юк, бөтен подъездга – газеталар, хатлар, түләү кәгазьләре һәм башка хәбәрләрне салу өчен бер һәм анысы да тукымадан тегелгән, сыңар кадакка элеп куелган кечкенә генә капчык иде.

Хатны җаваплы хезмәткәрләргә юллагач, озак та үтмәде, әлеге йортта матур үзгәрешләр булды – подъездга яңа, матур һәм уңайлы почта тартмалары элделәр.

- Тартмаларны Раил, Илдар һәм Олег дигән егетләр куйды. Һәр фатирга икешәр ачкыч бирделәр. Тартмалар бик уңайлы, матур, карап кына торырлык. Озын гомерле булсыннар иде. Үзебез дә карап, саклап кына тотарга тырышабыз, - ди әлеге йортта яшәүче Гөлия апа барлык күршеләре исеменнән.

Сүз уңаеннан: бу йортта яшәүчеләр узган ел шулай ук ишек алдында кер бавы юклыктан, ишек алды ягына караган тәрәзә төпләренең начарлыгыннан зарланганнар иде. Болары да төзәтелгән: кер бавы да эленгән, тәрәзә тупсалары да көлеп тора. Аннан соң йортта яшәүчеләр узган җәй һәм көз айларында ясалган капиталь төзекләндерүдән дә бик канәгатьләр. Исегезгә төшереп үтәбез: бу йорт тышланган иде.

- Ремонтчылар үз эшләрен намус белән башкардылар дип әйтергә мөмкиндер. Безнең фатир - почмак өлешендә. Тышланганчы, стеналар күгәрә, алар буйлап хәтта су ага иде. Быел кыш исә фатирыбыз җылы да, коры да булды, - ди Гөлнара ханым.

Кыскасы, йортта яшәүчеләр проблемаларны озакка сузмыйча хәл иткән идарәче компания директоры Алмаз Мәүләвиевка, югарыда исемнәре аталган егетләргә бик рәхмәтлеләр.

- Безне сөендергәннәре өчен үз игелекләре үзләренә кайтсын. Аларга саулык-сәламәтлек, хезмәтләрендә уңышлар телибез, - ди Гөлия апа.

Зөлфия Шәрипова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    272
    0
    0