Сарман аграр көллияте базасында республикакүләм семинар-киңәшмә узды

Бүген Сарман аграр көллияте базасында аграр профильдәге һөнәри белем бирү оешмалары җитәкчеләре белән республикакүләм семинар-киңәшмә узды. Аның эшендә ТР Мәгариф һәм фән министры Энгель Фәттахов, муниципаль район башлыгы Фәрит Хөснуллин, "Агрокөч Төркеме" җәмгыяте генераль директоры Фәнис Газетдинов катнаштылар.

Киңәшмәдә катнашучылар иң элек аграр көллиятнең материаль -техник базасы белән таныштылар, басу-кырларын карадылар. Бүгенге көндә икмәк игүдә өч "СК-5", бер "Акрос" комбайны эшли. Ике "Т-150" тракторы җир эшкәртүдә йөри. Һава торышы яхшы булса, кыска срокларда югалтуларсыз уңыш җыеп алуны максат итеп куйганнар биредә. Аннан кунаклар киңәшмәнең пленар өлешендә фикер алыштылар, киләчәккә бурычлар билгеләнде.

Тулырак материалны "Сарман" газетасының 27 июль саныннан укырсыз.