Районда язгы чакырылышның беренче "отправка"сы булды

Бүген Сарман һәм Мөслим районнары егетләре быелгы язгы чакырылышның беренчесендә армиягә киттеләр. Иртүк безнең районнан - 8, күршеләрдән 6 егетне әти-әниләре, туганнары, дуслары хәрби комиссариаттан озатып калдылар. Китүчеләр һәм озатучылар дулкынландылар, борчылдылар да. Егетләр, әти-әниләр: нык булыгыз! Бер ел - озын гомер түгел бит: бары 12 ай, ягъни 52 атна, 365 көн ягъни 8760 сәгать, 525600 минут, ягъни 31536000 секунд... Иң мөһиме- илләр-көннәр тыныч булып, егетләр намус белән хезмәт итеп, исән-имин туган йортларына әйләнеп кайтсыннар.