Районда 28 балага паспорт тапшырылды

Бүген районның төрле мәктәпләреннән булган 28 укучыга тантаналы рәвештә Россия Федерациясенең төп документы - паспорт тапшырылды. Ул 23 февраль - Ватан сакчылары көненә туры китереп үткәрелде. Балаларны тулы хокуклы гражданнар булулары белән муниципаль район Советы аппараты җитәкчесе Фәндәс Вәлиев, миграция хезмәте җитәкчесе Гөлүсә Харисова, ЗАГС бүлеге җитәкчесе Гөлчәчәк Вәлишина, ДОСААФның район бүлеге белгече Венера Сәетшина тәбрикләделәр. Укучыларга истәлекле бүләкләр тапшырылды, фотога төшү дә булды. Әти-әниләр матур теләкләрен җиткерделәр.