Якташыбыз тагын бер медальле булды

Кичә Казанда Татарстан Республикасы Югары суды атриумында Татарстан Республикасы судларының 2020 елгы эш нәтиҗәләренә багышланган киңәшмәсе кысаларында бүләкләнүче суд системасының иң яхшы хезмәткәрләре һәм судьялары арасында якташыбыз – Сарман егете – Татарстан Республикасы Суд департаменты идарәсе начальнигы урынбасары, коррупциягә каршы тору мәсьәләләре буенча бүлек начальнигы, Татарстан Республикасының атказанган юристы Рамазанов Рамил Миргаяз улы да бар иде. Аңа “ТАССР төзелүгә 100 ел” медале тапшырылды. Исегезгә төшереп үтәбез – якташыбызның бу беренче генә бүләге түгел. Ул – “Казанның 1000 еллыгы”, башка юбилей медальләре, аерымлык билгеләре, төрле дәрәҗә Рәхмәт хатлары иясе дә. Котлыйбыз һәм горурланабыз!