Райондашыбыз Әхмәтҗанов Ләес Барый улына 80 яшь тулды

"Сарман: иң яңа хәбәрләр", 3 сентябрь 2019 - 13:08

1374

Юлтимер авылында яшәүче хөрмәтле ветеранны районда белмәгәннәр сирәктер.

Гомерен, тормышын авыл хуҗалыгын үстерүгә багышлаган, үзенең кешелекле, ярдәмчел булуы белән ихтирам яулаган олпат шәхес ул. Олуг юбилее белән Ләес Барый улын район башлыгы Фәрит Хөснуллин, авыл хуҗалыгы һәм азык-төлек идарәсе начальнигы Альберт Шәрипов, Азалак авыл җирлеге башлыгы Илгизәр Габделгазизов, “Нөркәй” агрофирмасының “Уңыш” комплексы җитәкчесе Рөстәм Разумбетов, дуслары, туганнары, балалары, оныклары тәбрикләделәр, сихәт гомер теләделәр. Хөрмәтле ветеран җитәкчеләрнең Рәхмәт хатларына һәм истәлекле бүләкләргә ия булды.
Альбина Сабирова язмасы һәм фотолары