Район башлыгы Фәрит Хөснуллин авыл хуҗалыгы һәм эшкәртү сәнәгате хезмәткәрләрен һөнәри бәйрәмнәре белән котлый

Бу көнне без авыл кешесе хезмәте алдында баш иябез, аңа ихтирамыбызны белдерәбез. 

Район хезмәтчәннәре бәйрәмгә зур хезмәт уңышлары белән килделәр. Ашлыкның тулаем җыемы буенча без республикада иң алдынгылар рәтендә торабыз. Моңа барлык механизаторларның, белгечләрнең фидакарь хезмәте белән ирешелде. Терлекчелек тармагында, эшкәртү өлкәсендә, крестьян- фермер хуҗалыкларында 
ирешкәннәр дә куанычлы. Барчагызга да тырыш хезмәтегез өчен олы рәхмәтемне белдерәм. 
Хөрмәтле авыл хуҗалыгы хезмәтчәннәре, мөхтәрәм ветераннар! Бәйрәм уңаеннан ихлас котлауларымны кабул итегез. Сезгә, гаиләләрегезгә нык сәламәтлек, күңел күтәренкелеге, яңа хезмәт җиңүләре телим.

Фәрит Хөснуллин, муниципаль район башлыгы.