Назима Бәдертдин кызына 90 яшь тулды

"Сарман: иң яңа хәбәрләр", 28 ноябрь 2018 - 17:58

1461

Сарман авылында яшәүче Бәдертдинова Назима Бәдертдин кызы бүген 90 яшьлек юбилеен билгеләп үтте.

Олуг юбилее белән ветеранны район башлыгы Фәрит Хөснуллин тәбрикләде. Ул Рәсәй Президенты Владимир Путинның котлау хатын, истәлек бүләге тапшырды. Сарман авыл җирлеге башкарма комитеты җитәкчесе Николай Сахуриев, район социаль яклау бүлеге начальнигы Лилия Гыйльметдинова, кызы, оныгы изге теләкләрен җиткерделәр.
Назима апаның хезмәт еллары сөт заводы белән бәйле. 70 яшенә кадәр шунда лаборант булып эшли ул. Тыныч холыклы, сабыр, кешелекле хезмәткәр коллективта тирән ихтирам казана.
Тулырак газетабызның алдагы санында укыгыз.