Гыйлембаян апа 95 яшьлек юбилеен билгеләп үтә

"Сарман: иң яңа хәбәрләр", 10 октябрь 2018 - 13:56

1425

Бүген Сарманда яшәүче Сәгъдәтова Гыйлембаян Мансур кызына 95 яшь тулды.

Аны гомер бәйрәме белән район Советы аппараты җитәкчесе Фәндәс Вәлиев тәбрикләде, Россия Президенты Владимир Путинның Котлау хатын, район башлыгы исеменнән истәлекле бүләк тапшырды. Район ветераннар советы рәисе Нәҗип Миңнеголов, Сарман авыл җирлеге башкарма комитеты җитәкчесе Николай Сахуриев та, Гыйлембаян апаны олы юбилее белән тәбрикләп, иң изге теләкләрен җиткерделәр, бүләкләр тапшырдылар.
Гыйлембаян апа турындагы тулырак язманы газетабызның киләсе саннарының берсендә укый аласыз.