САРМАН
  • Рус Тат
  • Умарталар бал җыя, күзләр матурлык тоя, - ди Фәйрүзә апа

    Дүсем авылының Совет урамында яшәүчеләрнең барысы да диярлек матур-матур чәчәкләр үстерәләр, шуларга карап сокланып, хозурланып гомер кичерәләр.

    -Авылга кайтып, яши башлаганга берничә ел гына әле. Әни авырып киткәч, аны тәрбияләргә кайткан җирдән калдык, - диләр Фәйрүзә һәм Фазыл Гайнаншиннар.

    Бүгенге көндә ихаталарыннан гөлбакча ясаганнар. Балалар, оныклар кайткач, бергәләп ял итәргә дип, ял зонасы да көйләп куйганнар.

    -Чәчәкләрнең күбрәк күпьеллыгын утыртырга тырышам. Хәзергә төрлечә үсәләр әле. Бераз мантып, исәеп киткәч, тагын да матурлап, тиешле урыннарга күчереп утыртырга исәплим, - ди хуҗабикә.

    Күпьеллык лилияләр, кыңгырау, розалар, бадан, гортензия, флокслар янына Фәйрүзә апа, рәт-рәт итеп, төрле төсле петунияләр, бәрхет, яран гөлләре утырткан, циннияләр чәчкән. Умарта кортларына да файдалы, хуш исле бал тупларга миңа куныгыз, дип, үзләренә җәлеп итеп үсәләр аллы-гөлле гөлләр, чәчкәләр.

    Альбина Сабирова язмасы һәм фотолары

    Нравится
    Поделиться:
    Реклама
    Комментарии (0)
    Осталось символов: