Халык табибы вафат

Район халкының хөрмәтен яулаган хирург, фидакарь хезмәте белән абруй-дан казанган яраткан табибыбыз — Татарстан Республикасының атказанган медицина хезмәткәре Илдус Котдус улы Әхмәтов вафат булды.

Тормыш иптәше — шәфкать туташы булып эшләгән Гөлүсә Шәрипҗан кызы белән икесе дә — гомерләрен халык сәламәтлеге сагына багышлаган шәхесләр алар. Бернинди эш сәгатьләре белән исәпләшми, авыруның хәлен белешеп, төн йокыларын калдырып, Гиппократ антына тугры калып хезмәт куйды Илдус Котдусович. Аңа бөтен район халкы рәхмәтледер.

Шушы көннәрдә Гөлүсә апаның вафатына да өч ел була. Урыннары оҗмахта булсын, улы-килене, якыннары, туганнарының авыр кайгыларын уртаклашабыз.