Районда ике хуҗалык мунчасыз калган

"Сарман: иң яңа хәбәрләр", 4 гыйнвар 2022 - 09:34

1304

Ике очракта да янгынга саксызлык сәбәпче булган.

Яңа ел башланырга гына өлгерде, 131 нче янгын-коткару бүлегеннән ике күңелсез хәбәр алдык. 1 январь көнне - Иске Кәшер, 3 январь көнне Пробуждение авылында мунча янган. Янгынчылар әйтүенчә, ике очракта да аларга хуҗаларның ваемсызлыгы, игътибарсызлыгы сәбәпче булган. Бәхеткә каршы, хуҗалар үзләре зыян күрмәгәннәр. Бүгенге көндә тикшерү эшләре бара. Янгынчылар хуҗалыкта сак булырга, куркынычсызлык таләпләрен үтәргә, бигрәк тә кызган мунчаларны күзәтүчесез калдырмаска киңәш итәләр.
Зөлфия Шәрипова язмасы