Мунчасы янганда, хуҗаның куллары пешкән

"Сарман: иң яңа хәбәрләр", 11 апрель 2019 - 16:30

1845

9 апрельдә кичке якта Сарманда бар хуҗалыктагы мунчада янгын чыгу очрагы теркәлде.

Тикшерүләр күрсәткәнчә, ут янгын куркынычсызлыгы кагыйдәләрен үтәмәү – мичне яндырып җибәрү өчен тиз янып китүчән сыеклык куллану аркасында килеп чыккан дип фаразлана. Янгында хуҗа зыян күргән, ул, куллары 1-2 дәрәҗә пешеп, Яр Чаллыдагы ашыгыч ярдәм хастахнәсенең пешкән авыруларны дәвалау бүлегенә озатылган. Янгын нәтиҗәсендә килгән зыян ачыклана, мунча иминиятләштерелмәгән булган.