Жириновскийның ничек һәм ни сәбәпле вафат булганы билгеле
ЛДПР партиясе лидеры Владимир Жириновскийка диабет – шикәр авыруы булган. Коронавирус кичергәннән соң анда сепсис – кан агулануы башлана, аннары ике үпкәсе дә эшләүдән туктый.
2 февральдә Жириновскийны хастаханәгә салалар. 25 мартта Жириновский үлгән дигән хәбәр тарала, ЛДПР партиясе бу мәгълүматны кире кага. «Коммерсантъ» язуынча, бер атна элек Жириновскийның хәле чыннан да бик начарайган була. Ул 26 мартта ИВЛ – үпкәләрне ясалма сулыш алдыру аппаратына тоташтырыла һәм ясалма рәвештә медикаментоз йокы халәтенә җибәрелә.
5 апрельдә ЛДПР табиблар, авыруның хәле начарайганын аңлап, Жириновскийның якыннарын хушлашу өчен хастаханәгә чакыралар. Ясалма сулыш алдыру аппараты теләсә кайсы мизгелдә булыша алмаска, пациент үләргә мөмкин диләр. Жириновский, якыннары янына килеп киткәннән соң бер генә көн яши, 6 апрельдә вафат була.
Жириновский белән хушлашу 8 апрельдә Мәскәүнең Новодевичий зиратында булачак.
Чыганак: https://intertat.tatar/news/zirinovskiinyn-nicek-ham-ni-sabaple-vafat-bulgany-bilgele-5852460
Следите за самым важным и интересным в Telegram-каналеТатмедиа
Нет комментариев