Яңгырады соңгы кыңгырау...

"Сарман: иң яңа хәбәрләр", 31 май 2019 - 13:22

1132

29 майда Күтәмәле мәктәбенең мәктәпкәчә белем бирү төркемендә "Сау бул, бакча!" дип исемләнгән чыгарылыш бәйрәме үтте.

Балаларны мәктәп директоры Рәдис Мәрдәншин, тәрбияче Ландыш Сираева, 1 сыйныфка кабул итеп алучы укытучы Кадрия Абдуллина, әти-әниләр котладылар, бүләкләделәр. Балалар матур концерт номерлары әзерләгәннәр иде. Бәйрәм иртәсе җырлар, биюләр белән күңелле итеп үрелеп барды.