Сәйдә район башлыгыннан бүләккә 100 меңлек сертификат алды +ФОТО

"Сарман: иң яңа хәбәрләр", 23 сентябрь 2019 - 15:18

1788

Районда туучылар санын арттыру максатыннан һәм ТАССР төзелүнең 100 еллыгы уңаеннан, район Башкарма комитетының 100 нче балага 100 мең сумлык сертификаты тапшырылачагы хакында без хәбәр иткән идек инде.

Баланың агымдагы елның 1 гыйнвареннан соң туып, ГХАТ бүлегендә 100 нче бала булып дәүләт теркәве үтүе һәм ананың районда кимендә өч ел яшәгән булуы шарт итеп куелды. 16 сентябрь көнне 100 нче бала теркәлде. Бүген район башлыгы Фәрит Хөснуллин, Айдар белән Айсылу Вәлиевларны кызлары Сәйдә тууы белән тәбрикләп, 100 мең сумга сертификат тапшырды.
Альбина Сабирова язмасы
Автор һәм Илнур Сибгатуллин фотолары