Студентларның ата-аналары пенсиягә өстәмә түләүләр алырга мөмкин

Студент укудан куылган яки читтән торып уку бүлегенә күчкән очракта түләүләр туктатыла.

Башкортстанда студентларның ата-аналары, баласы югары уку йортында яки көллияттә укыганда, өстәмә матди ярдәм алырга мөмкин. Бу хакта Пенсия фондының Башкортстан бүлеге искәртә, дип яза "Башинформ".

«Андый ата-аналар иминият пенсиясенә өстәмә тәгаенләнгән түләүләр алырга хокуклы. Аны билгеләү өчен студентның 23 яшьтән дә өлкәнрәк булмавы һәм Россия Федерациясе, шулай ук чит илләр уку йортларында көндезге бүлекләрдә укулары төп шарт булып тора», — дип ачыклык кертте Россия Пенсия фонды идарәсе әгъзасы, төбәк бүлеге идарәчесе Фоат Хантимеров.

Аның сүзләренчә, тәгаенләнгән түләүләр картлык һәм инвалидлык буенча пенсияләргә өстәлә. Пенсия фондына студентның әтисе дә, әнисе дә гариза белән мөрәҗәгать итә ала. Быел ул түләүләр 4 982 сум 90 тиен күләмендә билгеләнгән. Гаиләдә эшкә яраклы булмаган бер кеше булган очракта пенсиягә тәгаенләнгән түләүләр 6643 сум 87 сумга кадәр арта, андыйлар икәү булса - 8 304,84 сум, өчәү булса – 9 965,81 сум.

 

18 яшькәчә балаларга түләүләр уку һәм эшкә яраклы булмаудан тыш билгеләнә.

18 яшьтән өлкәнрәк балаларның туу турындагы таныклыгы, югары уку йортында укуын һәм гариза язучы тәрбиясендә булуын дәлилләүче документлар кирәк булачак.

Студент укудан куылган яки читтән торып уку бүлегенә күчкән очракта түләүләр туктатыла.

 

Фото:https://pixabay.com

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    0 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша