"Сарман" командасы Чемпионат җиңүчесе булды

"Сарман: иң яңа хәбәрләр", 7 май 2019 - 14:18

2124

Агымдагы елның 20 гыйнвареннан 5 майга кадәр Әлмәт шәһәрендә ир-ат командалары арасында мини-футбол буенча ТР Көньяк-көнчыгышы зонасы Чемпионаты үткәрелде.

Анда барлыгы 21 команда, 329 спортчы катнашты. Шул исәптән “Сарман” җыелма командасы да үз көчен сынады. Шушы вакыт аралыгында барлык уеннарны да җиңелүләрсез уйнап, район командасы Чемпион исеменә лаек булды. “Иң яхшы капкачы” номинациясе җиңүчесе дә - Җәлилдән Дмитрий Беляев. “Иң яхшы һөҗүмче” булып – 44 гол кертеп – “Иң яхшы уенчы” исеменә Эльнар Гозаиров ия булды. Команданы ярышка тренер Илсур Ганиев әзерләде.

Альбина Сабирова язмасы.