Сабантуй кунаклары да сарманлыларга котлау сүзләрен җиткерделәр
Райондашларыбызның, төрле төбәкләрдән Сабантуйга дип кайткан якташларыбызның бәйрәм шатлыгын мәртәбәле кунаклар уртаклаштылар.
Якташыбыз – Татарстан Республикасында Суд департаменты идарәсе начальнигы, Сарман муниципаль районының шәрәфле гражданы Җәүдәт Салихов Татарстан Республикасы Рәисе Рөстәм Миңнехановның котлавын җиткерде, мәйдан халкын бәйрәм белән тәбрикләде.
Бәйрәмдә авыл хуҗалыгы һәм азык-төлек министрының беренче урынбасары Ленар Гарипов та катнашты, котлау сүзләрен җиткерде. Бәйрәм шатлыгын шулай ук якташларыбыз – сәламәтлек саклау министры урынбасары Илдар Фатихов, Татарстан Республикасында Суд департаменты идарәсе җитәкчесе урынбасары Рамил Рамазанов, Бөтендөнья татар конгрессы Башкарма комитетының татар эшмәкәрләре белән эшләү бүлеге җитәкчесе Фәрит Уразаев һәм башкалар уртаклаштылар.
Следите за самым важным и интересным в Telegram-каналеТатмедиа
Нет комментариев