Сабан туе кунаклар каршылаудан башланды

"Сарман: иң яңа хәбәрләр", 8 июнь 2024 - 15:36

635

Бүген район үзәгендәге Даулы болында район Сабан туе үткәрелде.

Бәйрәм халкының күзенә ташланмый калмагандыр: болыныбыз быел тагы да матурланган, көязләнгән һәм төзекләндерелгән.
Сабан туе, һәр елдагыча, район оешмалары, агрофирмалар, авыл җирлекләре әзерләгән өйләрне караудан башланды. Ә алар, һәрвакыттагыча, кунак каршыларга ныклап хәзерләнгәннәр: матур итеп бизәлгәннәр, чын бәйрәм төсен алганнар. Мәртәбәле кунакларны, район җитәкчеләрен һәр йортта күпереп пешкән икмәк, чәкчәк, җыр һәм бию белән каршы алдылар. Кунакларны район башлыгы Фәрит Хөснуллин озатып йөрде.