Райондашларны Дәүләт архивы конкурсында катнашырга чакыралар

Анда барлык татарстанлылар катнаша алалар. Бары тик гаилә архивыннан фото һәм видеодокументлар тупланмасын тәкъдим итәргә генә кирәк. Татарстан Республикасының Архив эше буенча дәүләт комитеты уздыра торган конкурс ике этапта булачак. Муниципаль этапка гаризалар 2019 елның 27 декабренә кадәр кабул ителәләр. Республика этабы 2020 елның 1 маеннан 31 маена кадәр барачак. Җиңүчеләрне акчалата бүләкләр көтә. Җиңүче дип табылган документлар республиканың Дәүләт архивы фондында сакланачаклар.
Конкурс турындагы нигезләмәне Дәүләт архивы сайтында табарга мөмкин. Реклама