Райондашлар кибатлетика ярышларында катнаштылар

"Сарман: иң яңа хәбәрләр", 16 октябрь 2019 - 13:04

951

Райондашлар кибатлетика ярышларына бардылар 10 октябрьдә Казанда кибатлетика буенча ярышлар үтте.

Мондый бәйгеләрдә физик мөмкинлекләре чикләнгән, техник реабилитация чаралары кулланучы кешеләр көнкүрештә эшләрне башкару буенча ярышалар, тәҗрибә уртаклашалар, яңалыклар белән танышалар. Кибатлектика ярышларында районнан кул протезы кулланучы Айсылу Нигъмәтҗанова һәм бот протезы кулланучы Илнур Ханнанов катнаштылар. Айсылу ярышта – икенче, Илнур алтынчы урынны яуладылар.
Кибатлетика физик мөмкинлекләре чикләнгән кешеләрнең югалткан функцияләрен кире кайтарырга, кешенең үз-үзенә һәм башкаларның аңа карашын үзгәртергә ярдәм итә. Заманча реабилитация җайланмалары аларга тулы канлы тормышка кайту мөмкинлеге тудыра.