Район ветераннар һәм инвалидлар җәмгыятенең пленумы узды

"Сарман: иң яңа хәбәрләр", 20 гыйнвар 2020 - 13:05

968

Бүген, 20 гыйнварда, "Шәфкать" үзәгендә район ветераннар Советы һәм инвалидлар җәмгыятенең чираттагы пленумы утырышы булды.

Иң элек оешма рәисе Нәҗип Миңнеголов 2019 елдагы эшчәнлеккэ анализ ясады. Аннан ревизион комиссия рәисе Гөлүсэ Ганиева чыгыш ясады. Нефтьчеләрнең ветераннар советы рәисе Рафаэль Харисов, пленум членнары Суфия Әхмәдуллина, Фалия Әхмәтҗанова, Роза Шәйгарданова информацияләре тыңланды. Утырышта район Башлыгы Фәрит Хөснуллин да катнашты. Ул 2019 елда районда булган үзгәрешләр белән таныштырды, йомгак ясады. Аннан президиум составына үзгәрешләр кертелде. Утырыш карары проекты бертавыштан кабул ителде.