Район Советында чираттагы дүшәмбе киңәшмәсе узды

"Сарман: иң яңа хәбәрләр", 18 февраль 2019 - 16:39

1582

Аны муниципаль район башлыгы Фәрит Хөснуллин алып барды. Киңәшмә бүләкләүләрдән һәм партия сафына яңа алынганнарга билетлар тапшырудан башланды.

“Торак-коммуналь хуҗалык системасына мәгълүмат урнаштыргандагы кагыйдә бозулар һәм күпкатлы йортларда газ җайланмасын эксплуатацияләгәндәге кимчелекләр” турында район прокуроры ярдәмчесе Ленар Рәхмәтуллин чыгыш ясады.
Район Башкарма комитетының мәдәният бүлеге җитәкчесе Гөлназ Латыйпова бүлекнең 2018 елдагы эшчәнлеге һәм агымдагы елга куелган бурычлары хакында сөйләде.
Архив бүлеге начальнигы Гөлшат Солтангалиева район архивын туплаудагы эшчәнлеккә тукталды.
Иске Минзәләбаш авыл җирлеге башлыгы Әлфинур Мияссарова җирлектә узган ел башкарылган эшләр белән таныштырды, быелга планлаштырылганнарын атады.

Альбина Сабирова язмасы.