Район мәктәпләрендә уку атнасы Россия һәм Татарстан флагларын күтәрүдән башланды

"Сарман: иң яңа хәбәрләр", 26 апрель 2022 - 15:03

902

РФ Мәгариф министры Сергей Кравцов карары буенча, бу атнадан башлап илебез мәктәпләрендә Россия флагын күтәрәләр. Республикабызда Татарстан флагы да күтәреләчәк.

Шул уңайдан,яңа уку атнасы район мәктәпләрендә тантаналы линейка белән башланып китте. Россия һәм Татарстан флаглары күтәрелгән вакытта ил һәм республика гимннары да башкарыла. Шуны да әйтеп үтәргә кирәк: һәр уку атнасы флаглар күтәрүдән башланачак.