Район башлыгы беренче сыйныфларга портфель тапшырды

"Сарман: иң яңа хәбәрләр", 12 июнь 2019 - 11:00

1144

Бүген 12 июньдә Россия көне уңаеннан район үзәгендәге Ял паркында зур бәйрәм тантаналары үткәрелде.

Аларның берсе “Мәктәпкә әзерләнергә ярдәм ит!” акциясе кысаларында беренче сыйныфка баручы ярдәмгә мохтаҗ гаиләләрдән булган 24 балага мәктәп кирәк-яраклары салынган портфель һәм спорт костюмы тапшыру булды.
- Әлеге акцияне тормышка ашырырга ярдәм иткән җитәкчеләргә, хезмәт коллективларына, эшмәкәрләргә зур рәхмәтемне белдерәм. Үз игелекләре үзләренә кайтсын! Ә беренче сыйныфка барачак балаларга саулык-сәламәтлек, тырышып укуларын һәм акыллы булып үсүләрен телим! – диде район башлыгы Фәрит Хөснуллин, бәйрәмдә катнашучыларны сәламләп.
Зөлфия Шәрипова язмасы һәм фотолары.