Район активистлары – «Костер» үзәгендә

12 сеннән 14 октябрьгә кадәр “Костер” сәламәтләндерү-белем бирү үзәгендә “Республика балалар хәрәкәте мәктәбе” активистлары өчен республикакүләм профиль сменасы узды.

 

“Республика балалар хәрәкәте мәктәбе”нең төп максаты – Татарстан төбәк бүлегенең “Россия укучылар хәрәкәте” берләштерелгән республика советы лидерын сайлау һәм юнәлеш лидерлары составын яңарту, шулай ук талантлы яшьләрне ачыклау. Әлеге сменада район балалар Думасы активистлары– Сарман урта мәктәбенең 10 сыйныф укучылары Радик Хөснуллин һәм Наил Гыймазетдинов булып кайттылар. 
- Бик тыгыз программа төзелгән иде: педагоглар әзерләгән мастер-классларда бик теләп катнаштык. Тренингларда да үз көчләребезне сынадык. Үз проектыбызны да тәкъдим иттек: гаилә кыйммәтләре, мәдәниара мөнәсәбәтләр, сәламәт тормыш рәвеше, балалар һәм яшүсмерләрнең хокукый белеме кебек темаларны яктырттык, - диде Радик Хөснуллин.
Шулхәтле тыгыз графикта эшләгәннәр алар. Хәтта фотога төшәргә дә вакытлары булмаган егетләрнең. Яңа дуслар да тапканнар алар, яшьләр белән ничек эшләргә, ничек аралашырга, вакытны ничек уздырырга, гомумән, бик күп файдалы киңәшләр алганнар. 
“Алга таба да актив булыйк, барлык чараларда катнашыйк, чөнки районыбызның киләчәге безнең кулларда”, - диделәр алар.
Актив катнашканнары өчен, егетләр смена ахырында шаһәдәтнамә белән бүләкләгәннәр.

Гөләндәм Хәлиуллина фотосы һәм язмасы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 сентябрь 2021 - 14:52
    Яңа Саклауда һәйкәл ачтылар
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша