Районның танкчылары бәйрәм итәләр

Сентябрь аеның икенче якшәмбесендә ел саен Танкчы көне билгеләп үтелә. Әлеге гаскәрләрдә хезмәт иткәннәр өчен бу көн аеруча якын һәм истәлекле. Менә ничә еллар инде тарихи дата Бердәм тавыш бирү көненә туры килә. Бүген дә районның танкчылары район үзәгендәге Ял паркында җыелдылар. Хәрби техника янында узган тантанада хезмәт елларын, хәрби дусларын искә алдылар. Аларны район хәрби комиссариат бүлеге начальнигы Дашгын Гасанов тәбрикләде, саулык, ныклык, гаилә иминлеге, тыныч көннәр теләде.