Райондашларны нәсел горурлыкларын барларга чакырабыз

Хөрмәтле райондашлар! Быелгы ел истәлекле вакыйгаларга бай булачак. Шуларның иң зурысы – Бөек Җиңүнең 80 еллыгы. Шул уңайдан Россия Федерациясе Президенты тарафыннан агымдагы ел Ватан сакчысы елы дип игълан ителде. Без дә газетабыз битләрендә «Нәселем горурлыгы» дигән яңа проектны башлап җибәрәбез. Анда катнашу өчен, гаиләгезнең Ватан иминлеге өчен көрәшкән, тырыш хезмәт куйган кешеләре – сугыш һәм тыл ветераннары, тыныч тормыш шартларында хезмәттә югары күрсәткечләргә ирешкән әби-бабаларыгыз, якыннарыгыз турында язмалар әзерләргә һәм безгә – редакциягә юлларга кирәк. Аларның иң уңышлылары газета битләрендә бастырылачак. Проектта һәркем – зурлар да, өлкәннәр дә, балалар да катнаша ала. Сездән хатлар көтәбез, кадерле дуслар!

Фото ru.freepik.com сайтыннан