Мәктәп укучыларының өй эшләрен киметәчәкләр

Төп эшчәнлек мәктәптә уку сәгатьләре вакытында башкарылырга тиеш дип саный Дәүләт Думасы депутаты Алена Аршинова.

Мәктәп укучылары өчен өй биремнәре күләме минималь булырга, ә төп эш мәктәптә уку сәгатьләренә туры килергә тиеш, дип белдерде “Бердәм Россия”нең "Яңа мәктәп" партия проекты координаторы, Дәүләт Думасы депутаты Алена Аршинова. "Бердәм Россия" бу турыда Мәгариф министрлыгы белән фикер алышачак. Бу хакта РИА Новости хәбәр итә.

Элегрәк Белгород өлкәсе губернаторы Евгений Савченко "ВКонтакте" битендә өй эшләрен "укучыны да, ата-ананы да имгәткән күп еллык гадәт" дип атады. Губернатор, тулы көнлек мәктәпләрдәге кебек, уку йортында барлык өй эшләрен дә эшләргә тәкъдим итте. Ул мәгариф департаментына бу мәсьәләне яңадан карарга һәм системага кардиналь үзгәрешләр кертергә кушканлыгын әйтте.

Аршинова заманча технологияләр һәм цифрлы белем бирү үсеше инде хәзер үк дәрестән тыш вакытта уку йөкләнешен минимумга калдырырга мөмкинлек бирә, диде. Аның сүзләренчә, моны һичшиксез өй биремнәре "уку процессына аз гына өстәмә булсын өчен" һәм аларны өлкәннәр ярдәменнән башка башкарырлык итеп эшләргә кирәк.

"Евгений Савченко еш кына конструктив һәм прогрессив идеяләр турында сөйли. Без бу мәсьәлә буенча партиядә Мәгариф министрлыгы катнашында узачак киңәшмәләрнең берсендә фикер алышачакбыз", - дип йомгаклады Аршинова.

  • Россия Президенты каршындагы Бала хокуклары буенча вәкаләтле вәкил Анна Кузнецова, Савченко инициативасына тукталып, элегрәк, мәктәптә балаларга артык йөкләнеш биреп, эшне бозмау мөһим, әмма шул ук вакытта укучыларга иренергә юл куймаска кирәк, дигән иде.

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    8 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.