Миңнеханов WorldSkills Kazan-2019 турында: Безнең максат - хезмәт кешесенең абруен күтәрү

Һөнәри осталык буенча дөнья чемпионаты уздыру – Татарстанда эшче белгечлекләр әзерләү инфраструктурасын булдыру мөмкинлеге.

Республика хөкүмәтенең төп бурычы – хезмәт кешесенең абруен күтәрү. Бу хакта Татарстан Республикасы Президенты Рөстәм Миңнеханов “Татмедиа” АҖ генераль директоры Андрей Кузьминга биргән интервьюсында әйтте.

“Кызганыч, соңгы елларда без бу мәсьәләгә игътибар биреп җиткермәдек. Хәзер бу темага җитди рәвештә алындык. Ни өчен без бу агымга иярдек? Бу республикага үзен күрсәтү шансы гына түгел, ә Татарстанда кирәкле һәм әһәмиятле белгечлекләр әзерләү инфраструктурасын булдыру мөмкинлеге дә”, - дип сөйләде Рөстәм Миңнеханов.

 

Ул республикада 31 ресурс үзәге эшләп килүен, 2019 елдан аларның саны 37гә артачагын да әйтте. Ресурс үзәкләре колледжлар һәм техникумнар базасында төзелә. Аларда халыкара стандартларга туры килә торган иң яңа җиһазлар, эш бирүче таләпләренә тәңгәл килүче кадрлар потенциалы һәм белем бирү программалары бар.

“Безнең вәкилләр даими рәвештә Россия, Европа һәм дөнья беренчелекләрендә җиңәләр һәм призлы урыннар яулыйлар. Бу югары профессиональ әзерлекне күрсәтә”, - диде Президент.

Ресурс үзәкләре төзүнең төп партнерлары профильле оешмалар. Шуңа күрә чыгарылыш укучыларының эшкә урнашу проблемасы юк, дип өстәде Рөстәм Миңнеханов.

Интервью 22 сентябрьдә sntat.ru сайтында чыгачак. Видеоверсияне “Татар-информ” агентлыгының ютуб каналында карарга мөмкин булачак.

Тамашачылар интервьюның телевизион версиясен “Андрей Кузьмин белән галстуксыз интервью” программасында “Татарстан 24” телеканалында шимбә һәм якшәмбе көннәрендә 18:30 сәгатьтә карый алачак.

http://m.tatar-inform.tatar/news/2018/09/22/172033/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • 26 сентябрь 2021 - 14:00
    Ятимнәр тораклы булачак
    Татарстанда ятимнәр өчен барлыгы 247,5 миллион сумлык 181 торак сатып алыначак. Дәүләт сатып алулар сайтына бу җәһәттән тендер урнаштырылган.
    409
    0
    0