Җәлилдә "Ак калфак"ның чираттагы утырышы узды

"Сарман: иң яңа хәбәрләр", 25 июнь 2019 - 16:43

1308

Бөтендөнья татар хатын-кызларының "Ак калфак" иҗтимагый оешмасының Җәлил бүлекчәсенең чираттагы(24 июнь) утырышында бистәбезнең мөхтәрәм кешесе Мөнәвәрә Кәлимулла кызы Кәлимуллина белән очрашу булды.

Мөнәвәрә апа үз гомерен кешеләргә хезмәт итүгә багышлады, татар телен саклау, туган ягыбызның, халкыбызның тарихын яшь буынга җиткерү булды аның кыйбласы. Очрашу бик кызыклы һәм файдалы үтте, чөнки Мөнәвәрә апа, 9нчы дистәнең инде яртысын ваклавына карамастан, әле бик эзлекле һәм оста сөйләүче дә, аның хәтеренә, сөйләм теленә яшьләр сокланырлык.