Күтәмәле мәктәбендә «ВИЧ һәм СПИД сүзләре барысына да таныш» дип исемләнгән әңгәмә үтте

"Сарман: иң яңа хәбәрләр", 4 декабрь 2018 - 15:45

1379

1 декабрьдә Бөтендөнья СПИДка каршы көрәш көне билгеләп үтелә. Әлеге дата кысаларында Күтәмәле мәктәбендә «ВИЧ һәм СПИД сүзләре барысына да таныш» дип исемләнгән әңгәмә үтте. Аның ахырында укучылар сорауларга җавап бирделәр.

Шулай ук балалар актуаль темага – наркомания проблемасына багышланган «Куркынычсызлык территориясе» дип аталган видеофильм карадылар. Алар бу мәсьәләгә карата үз фикерләрен әйттеләр, әңгәмәдә актив катнаштылар.
Чара кысаларында шулай ук «Без – каршы!» дигән акция дә оештырылды. Укучылар Күтәмәле авыл халкына буклетлар тараттылар, кызыл тасмалар беркеттеләр.