Хезмәткәрләр эш хакын күчерү өчен банкны үзләре сайлый алачак

Хезмәт һәм мәшгульлек федераль хезмәте мәгълүматларына караганда, 2018 елда хезмәткә түләү буенча 80 меңнән артык закон бозу очрагы ачыкланган.

Россия Хөкүмәте Дәүләт Думасына хезмәткәргә эш хакын күчерү өчен кредит оешмасын мөстәкыйль рәвештә сайлау хокукын бирә торган закон проектлары тапшырган. Бу хакта «Российская газета» Министрлар Кабинеты сайтына сылтама белән хәбәр итә.

Россия Премьер-министры Дмитрий Медведев билгеләп үткәнчә, бүген хезмәт хакын кассада бирәләр, яки банк картасына күчерәләр. Гадәттә, кредит оешмасын эш бирүче сайлый. «Гамәлдәге нормалар хәзер дә әлеге оешманы алыштырырга мөмкинлек бирә, әмма эш бирүчеләрнең төрле сәбәпләр аркасында моның белән шөгыльләнәселәре килми. Әлеге уңайдан ике закон проекты әзерләнде.

Үзгәрешләр керткәннән соң, әгәр без аларны кабул итсәк, эш бирүченең документларны яңадан рәсмиләштерү өчен 15 көн вакыты булачак. Әгәр ул моны эшләми икән, административ җаваплылык каралган», - дип искәртте Медведев.

Хезмәт һәм мәшгульлек федераль хезмәте мәгълүматларына караганда, 2018 елда хезмәткә түләү буенча 80 меңнән артык закон бозу очрагы ачыкланган, аларның 10 процентка якыны - хезмәткәр тарафыннан эш хакын алуның уңайлы алымын сайлау хокукы белән бәйле.

Әгәр эш бирүче ниндидер сәбәпләр аркасында хезмәткәр үтенече буенча банкны үзгәртергә теләми икән, вазифаи затларга – 10-20 мең, эшкуарларга – 1-5 мең, юридик затларга 30-50 мең сум күләмендә штраф яки кисәтү рәвешендә административ җаваплылык билгеләргә тәкъдим ителә.

 

Бу хакта тулырак: https://tatar-inform.tatar/news/2019/03/29/183527/

фото:/pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    301
    0
    0