Керәшеннәр Элҗен көнен бәйрәм итәләр

Элҗен көне 2 августта билгеләп үтелә. Бу көнне чиркәүгә йөрүчеләр, дини эчтәлектәге җырлар җырлап, догалар укып, үзләрен һәм узып баручыларны изге су белән коендыралар. Чиркәүдән әйләнеп кайткач, келәү әйтеп, Бер Аллаһка шөкер кылалар. 
Дөньядагы күпчелек православие чиркәүләре Ильяс пәйгамбәрне олылау көнен юлиан календаре буенча 20 июльдә билгелиләр. Григориан календаре буенча бәйрәм 2 августка туры килә.