Бүген район үзәк хастаханәсендә елның беренче баласы туды
Бүген – 4 гыйнварда 19.00 сәгатьтә район үзәк хастаханәсенең балалар тудыру йортында районның яңа кешесе дөньяга килде.
Ул яңа елның районда дөньяга аваз салган беренче баласы булды. Кечкенә кызчык Сарман авылында яшәүче Хәйдәр һәм Алсу Хафизовлар гаиләсендә – алтынчы бала.
– Балабыз сау-сәламәт туды. Икебез дә үзебезне яхшы хис итәбез. Кызыбыз – 3,400 килограммлы, буе – 51 сантиметр. Безнең гаиләдә хәзер өч малай һәм өч кыз булды. Кечкенәбезгә Мәрьям дип исем кушарга уйлап торабыз, – диде баланың әнисе Алсу Хафизова.
«Ана да, бала да үзләрен яхшы хис итәләр», – диде табибә Рано Махкам кызы да. Без дә Хәйдәр һәм Алсу Хафизовларны кечкенәләре туу белән тәбрик итәбез, кызчыкның исән-сау бәхетле бала булып үсүен телибез.
ФОТО:https://ru.freepik.com
Следите за самым важным и интересным в Telegram-каналеТатмедиа
Нет комментариев