Безнекеләр Казанда чыгыш ясадылар

"Сарман: иң яңа хәбәрләр", 19 август 2019 - 10:46

1299

“World Skills” стандартлары нигезендә һөнәри осталык буенча узачак дөнья чемпионаты кысаларында 18 август көнне Казан ипподромы чит илләрдән 2000 меңнән артык яшь һөнәрчесен җыйды.

Кунакларны төрле районнардан килгән татар фольклор коллективлары халкыбызның яратып уйналына торган түгәрәк уены белән каршылады. Әлеге бәйрәм чарасында районнан ике коллектив: Зур Нөркәй авылыннан ”Нөркәем” халык фольклор ансамбле һәм Мортамактан “Чишмә” фольклор ансамбле катнаштылар. Республикабызның традицион мәдәниятен үстерү үзәге җитәкчелеге тарафыннан оештырылган әлеге чара кунакларның да, катнашучыларның да күңеленә бик хуш килде.