Бензин җәйгә кадәр артмаячак. Аннары ни булыр?

Узган елның көзендә ил хөкүмәте нефть компанияләре белән автомобиль ягулыгына бәя үсешен тоткарлауга бәйле килешү төзеде.

Машина йөртүчеләр җиңел сулап куйды. Илдә бензин бәясе быелның 30 июненә кадәр артмаячак. Бу хакта Россия вице-премьеры Дмитрий Козак әйткән.

Билгеле булганча, узган елның көзендә ил хөкүмәте нефть компанияләре белән автомобиль ягулыгына бәя үсешен тоткарлауга бәйле килешү төзеде. Ул быелның 31 мартына кадәр гамәлдә. Документ нигезендә, ваклап сату бәяләрен “катыру”, зур булмаган күләмдә күпләп сату бәяләрен ягулык салу стан­цияләренә зыян китермәслек дәрәҗәдә саклап тоту турында килештеләр. Шулай ук нефть компанияләренә эчке базарны алдагы ел белән чагыштырганда өч процентка күбрәк күләмдә ягулык белән тәэмин итү бурычы да йөк­ләнде.

 

Рульдәгеләр апрельне кур­кып көтте. Килешү га­мәлдән чыгуга ягулык бәясе тагын югарыга үрмәли башлаячак дип фаразладылар. Тик юкка борчылганнар. Дмитрий Козак килешүнең тагын өч айга озайтылуын хәбәр итте. Бу хакта ул бәяләр үсешен “йөгәнләп” торучы нефть компанияләре вәкил­ләре белән очрашудан соң әйтте. Очрашуда катнашкан “Новый поток” нефть компаниясе хуҗасы Д.Мазуров әле­ге адымга баруларын килешү кыска вакытка гына озайтылу белән аңлаткан. “Хөкүмәт йортында узган ки­ңәшмә барышында бу соң­гысы булачак диделәр”, – дип нефть эшкәртүче сүз­лә­рен ки­тер­гән “Известия” басмасы.

Татарстанда ягулык-энер­гетика ресурсларын сак куллану һәм аның сыйфатын тәэ­мин итү идарәсе мәгълүмат­ларына караганда, республикада АИ-92 маркалы бензин­ның бер литры – 40 сум 50 тиен (Идел буе федераль округы буенча – 40 сум 85 тиен), АИ-95 маркалы бензинның бер литры – 43 сум 10 тиен (46 сум), дизель ягулыгы – 45 сум 65 тиен (49 сум) тора. 

 

Фото: https://pixabay.com

 https://tatar-inform.tatar/news/2019/03/27/183411/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • 26 сентябрь 2021 - 14:00
    Ятимнәр тораклы булачак
    Татарстанда ятимнәр өчен барлыгы 247,5 миллион сумлык 181 торак сатып алыначак. Дәүләт сатып алулар сайтына бу җәһәттән тендер урнаштырылган.
    409
    0
    0