Җәлил егете «Махсус хәрби операция ветераны» исеменә лаек булган

"Сарман: иң яңа хәбәрләр", 23 февраль 2025 - 07:10

985

Җәлил район хастаханәсенең социаль хезмәткәре Дмитрий Сидоров үз теләге белән Украина территориясендәге махсус операциядә булып кайткан.

– Хәрби операция башланган чорларда минем Казан югары танк училищесы белән контрактым бар иде. Тик аннан хәрби хәрәкәтләр зонасына җибәрмәделәр, чөнки училище төрле юнәлештәге складларны саклау өчен җаваплы булды. Берникадәр вакыттан соң, ул контрактны өзеп, мин үз теләгем белән махсус операция зонасына киттем, – дип башлады ул сүзен.
Аның Украинага китүе турында якыннары белми дә калалар. «Яңа эш таптым, Уралга командировкага киттем», – ди ул. Тик бер айдан артык элемтәгә чыкмагач, туганнары борчыла башлыйлар. Шуннан соң Дмитрий, аларның берсенә шалтыратып: «Мин – махсус операциядә, ләкин син, командировкада, диюеңне дәвам ит», – ди. Шулай да, без капчыкта ятмый, Дмитрийның кайтуына барысы да аның кайда булганын беләләр...
Тагын да күбрәк беләсегез килсә, район газетасының 21 февраль санын укырга онытмагыз, дуслар.