Җәлил артистлары Иске Кәшердә хәйрия концерты оештырдылар

Иске Кәшер авылы мәдәният йортында быел икенче шундый концерт оештырылды. 
Концерт программасы белән Җәлил мәдәният сараеның сәнгать җитәкчесе Нәвия Гатиятуллина җитәкчелегендәге «Дуслык» ансамбле килде. Үзешчәннәр авыл халкын һәм кунакларын җыр-биюләр, скетчлар, шигырьләр белән сөендерделәр. Җыелган акчалар Җәлил поселогының махсус операциядә катнашучыларга коры ашлар әзерләү төркеменә тапшырылачак.