Алан авылы халкы “Блокада икмәге” акциясенә кушылды

Агымдагы елның 27 гыйнварында Ленинград блокадасы өзелүгә 79 ел була. Шул уңайдан “Блокада икмәге” Бөтенроссия акциясе игълан ителгән иде. Ул Бөек Ватан сугышы елларында Ленинград оборонасы һәм блокадасы тарихына багышланган. Хәтер акциясенең символы – блокада вакытында ленинградлыларга бирелгән минималь 125 грамм икмәк.
Әлеге акциядән Алан авылы да читтә калмады. Авылдашлар сугыш корбаннарын искә алдылар, алар истәлегенә куелган монументка чәчәкләр салдылар.