Район агросәнагәть комплексы оешмаларының 2015 елда язгы кыр эшләренә әзерлеген тикшерү үтте

Бүген Сарман районы агросәнагәть комплексы оешмаларының 2015 елда язгы кыр эшләренә әзерлеген тикшерү үтте. Конкурс комиссиясен терлекчелек буенча Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов җитәкләде, "Агросила Групп" җәмгыяте техник директоры Фәрит Хәкимов - механизация хезмәтен, Татарстан Республикасы буенча "Россельхознадзор" идарәсе филиалы җитәкчесе урынбасары Рафис Хәбибуллин игенчелек хезмәтен тикшерделәр. Тикшерүдә район Башкарма комитеты җитәкчесе Фәрит Хөснуллин һәм район белгечләре дә катнаштылар. Беренче урынга "Нөркәй" агрофирмасы лаек булды, "Җәлил" һәм "Сарман" агрофирмалары икенче урынны бүлделәр. "Туган як" агрофирмасының Саклаубаш бүлекчәсе өченче урын алды.

Тулырак язманы газетабызның алдагы саннарыннан укыгыз.