Сарманның "Ләйсән" балалар бакчасында профилактик чара үтте

Кичә Сарманның «Ләйсән» балалар бакчасында юл иминлеге атналыгы кысаларында профилактик чара үтте. Зурлар төркеменә йөрүче балалар тәрбиячеләре Люция Фәррахетдинова белән бергә юл иминлеге өлкәсендә үзләрен сынап карадылар. Велосипедларда каршылыклар аша үтеп йөрделәр, юл билгеләренең кайсы урында һәм ни өчен куелуын аңлаттылар, тәрбияченең сорауларына җавап бирделәр. Соңыннан балаларга бүләккә яктырткыч беләзекләр тапшырылды.

Алсу Ситдыйкова, "Юл хәрәкәте куркынычсызлыгы" дәүләт бюджет учреждениесенең Әлмәт территориаль идарәсенең Сарман районы профиль бүлекчәсе начальнигы.