Сарманда "Тоннель" профилактик чарасы узды

Кичә Сарманда иртәнге 5.00 сәгатьтән 7.00 гә кадәр район ЮХИДИ бүлекчәсе тарафыннан «Тоннель» профилактик чарасы үткәрелде. Аның барышында 53 транспорт чарасы тикшерелде. Барлыгы 10 юл йөрү кагыйдәсе бозу очрагы ачыкланды. Кагыйдә бозучылар арасында 1 исерек килеш транспорт чарасы белән идарә итүче, 1 - автотранспорт йөртү таныклыгыннан башка, 3 - ОСАГО иминият полисыннан башка транспорт чарасы белән идарә итүче тоткарланды. Алар арасында шулай ук вакыттында ЮХИДИдә теркәү процедурасы (учетка кую) үтмәгән һәм транспорт салонында балалар йөртү тәртибен бозучы да бар иде.

Район ЮХИДИ бүлекчәсе.