Сарман урта мәктәбе укучылары катнашында ЮХИДИ рейды узды

Бүген район үзәгендә мәктәпләрдә башланачак кышкы каникуллар алдыннан чираттагы ЮХИДИ рейды үтте. Анда Сарман урта мәктәбенең 4 нче "А" сыйныфы укучылары Рания Гыйльфанова, Айгөл Хәкимуллина, Солтан Йосыпов, Илкам Сәлимгәрәев, 5 нче "Б" сыйныфы укучылары Риназ Зыятдинов һәм Артур Мәүләвиев чыктылар. Алар инспектор абыйлары Руслан Сәитов туктаткан машина йөртүчеләренә белешмәләр тараттылар, хәерле юллар һәм игътибарлы булуларын теләделәр. Чарада шулай ук Юл иминлеге программаларын финанслау дирекциясенең Сарман районы буенча филиал җитәкчесе Алсу Ситдыйкова һәм мәктәпнең биология фәне укытучысы Гөлгенә Антипова катнаштылар.